Gjykata Penale e Tiranës ka caktuar “burg pa afat” për 5 të arrestuarit në kuadër të operacionit antidrogë, ku u sekuestruan 11300 doza ekstazi.
Siç raporton gazetarja e Klan News Glidona Daci, është caktuar masa e “arrestit me burg” për dy kosovarët, Mithat Ramadani dhe Besnik Mujeci, si dhe për tre të tjerët Kalem Picari, Ambra Myftari dhe Daniel Avdia. Një prej të cilëve, Besnik Mujeci aktivist i “Vetvendosjes”.
Mësohet se gjyqtari Gert Hoxha pranoi kërkesën e prokurorit Ndini Tavani që 5 të arrestuarit të vijojnë të hetohen në qeli.
5 autorët ranë në pranga më 15 Gusht, pasi trafikonin drogën në Shqipëri nga Kosova përmes autobusëve në kohë të ndryshme.
