Paraja nuk blen lumturinë, por na ndihmon të përballojmë lloje të ndryshme kënaqësish, dhe njëra prej tyre është posedimi i makinave më të mira dhe më luksoze.

Ato blihen nga miliarderë apo milionerë që kujdesen vërtet për makinat dhe nuk ngurrojnë të shpenzojnë një shumë të majme për këtë kënaqësi. Nëse po pyesni se cilat janë veturat e reja më të shtrenjta të të gjitha kohërave, ato janë si vijon.

5. Koenigsegg Trevita

 

Çmimi: 4.3 milionë euro

Me një prodhim të kufizuar prej vetëm tre ekzemplarë, Koenigsegg CCXR Trevita është një nga makinat më ekskluzive të krijuara nga kompania suedeze. Ai ka një motor të fuqishëm 4.8-litërsh me supermbushje V8 që zhvillon 1018 kf dhe mund të përshpejtojë në 100 km/h për 2.8 sekonda dhe të vazhdojë të përshpejtojë deri në një shpejtësi maksimale prej 395 km/h.

4. Pagani Huayra Imola

 

Çmimi: 4.9 milionë euro

Pagani Huayra Imola është një edicion special i të cilit u prodhuan vetëm pesë ekzemplarë pas lançimit në vitin 2019. Ka një motor 6.0 litërsh V12 biturbo të zhvilluar nga Mercedes-AMG me 838 kf dhe 1100 Nm çift rrotullues, dhe një peshë totale prej 1246 kilogramë. Përshpejton nga zero në 100 km/h për më pak se 3 sekonda, dhe shpejtësia maksimale e tij është mbi 330 km/h.

3. Rolls-Royce Sweptail

Çmimi: 11.6 milionë euro

Rolls-Royce Sweptail është një shembull tjetër se sa larg shkon ekskluziviteti i kompanisë britanike. I prezantuar në vitin 2017, është një coupe elegante që është ndërtuar me porosi, dhe vetëm një ekzemplar është në ofertë. Nuk shquhet për performancën e tij, falë një V12 6.75 litrash me rreth 460 kf, por dallohet për ekskluzivitetin dhe mjeshtërinë që nxjerr në pah dizajnin e tij.

2. Bugatti La Voiture Noire

 

Çmimi: 17 milionë euro

Makina e dytë më e shtrenjtë e të gjitha kohërave është Bugatti La Voiture Noire, një riinterpretim modern i tipit klasik Type 57 SC Atlantic. E prodhuar për të festuar historinë 110-vjeçare të Bugatti-t, kjo makinë unike në botë është e pajisur me motorin e njohur 8.0-litërsh W16 dhe katër turbina me 1500 kuaj fuqi dhe 1600 Nm çift rrotullues.

1. Rolls-Royce Boat Tail

Çmimi: 23 milionë euro

Lista përfundon me makinën më të shtrenjtë të të gjitha kohërave, Rolls-Royce Boat Tail, një kabrio luksoze e veçantë e ndërtuar me porosi. U deshën katër vjet punë për ta krijuar atë dhe u frymëzua nga lundrimi. Është i pajisur me një motor V12 prej 6.75 litrash me 600 kuaj fuqi. /Katror.info