Donald Trump dhe 18 të pandehur të tjerë, të akuzuar për organizmin e një komploti për të përmbysur rezultatet e zgjedhjeve 2020 në Xhorxhia, do të burgosen në një burg famëkeq të Qarkut Fulton.
Donald Trump është planifikuar të burgoset në burgun e Atlantës, i njohur për kushtet e tij të këqija dhe shpërthimet e dhunës.
Burgu i Rice Street është famëkeq për kushtet e tij të mjerueshme dhe mbipopullimin, dhe u vendos nën një hetim federal në korrik për mjedisin e tij "të pasigurtë" dhe shpërthimet e dhunës.
Në shtator 2022, pati një zemërim kombëtar pasi një i burgosur i mbajtur në burg, Lashawn Thompson, u gjet i vdekur. Dy muaj pas vdekjes së Thompson, Qendra Jugore për të Drejtat e Njeriut publikoi një raport kritik mbi kushtet e burgut, duke vënë në dukje se si të paktën 10 njerëz vdiqën në këtë burg në 11 muajt e parë të vitit 2022.
Burgu i Qarkut Fulton i vendosur në 901 Rice Street është jashtëzakonisht pa staf dhe i mbipopulluar. Kushtet jo higjienike të jetesës janë të rrezikshme në një sërë nivelesh, duke lehtësuar përhapjen e viruseve si COVID-19 ose shpërthimet parazitare"- thuhej në raport aso kohe.
Pas një shpërthimi të parazitëve në burg, një vlerësim zbuloi se 100 për qind e të burgosurve të mbajtur në një njësi në shtator 2022 ose kishin morra, zgjebe ose të dyja, dhe se 90 për qind e të burgosurve të mbajtur në një njësi për personat e diagnostikuar me sëmundje mendore ishin të keq ushqyer.
Një raport tjetër i publikuar në shtator 2022 nga Unioni Amerikan i Lirive Civile (ACLU) thotë se burgu është i mbipopulluar dhe strehon qindra njerëz për muaj të tërë, të cilët ende nuk janë akuzuar pasi nuk ishin në gjendje të paguanin lirimin me kusht.
Megjithatë, ish-presidenti ka të ngjarë të anashkalojë çështjet me të cilat përballet burgu i qarkut Fulton gjatë një gjykimi. Trump pritet të lirohet me kusht pasi ka të ngjarë të mos konsiderohet si rrezik dhe as të akuzohet për krime të dhunshme.
Sherifi i Qarkut Fulton, Pat Labat tha se Trump do të trajtohet si çdo i dyshuar tjetër gjatë gjykimit të tij, duke përfshirë edhe marrjen e fotografisë së tij.
