Rachelle di Stasio është kurorëzuar së fundmi Miss New York dhe është gati të konkurrojë për titullin Miss USA 2023 muajin e ardhshëm në Nevada. 26-vjeçarja ishte balerinë në shkollën prestigjioze të Teatrit të Baletit Amerikan dhe iu desh të bënte një ndryshim në karrierë pas ndrydhjes së këmbës.
Karriera e modelingut e ka shpërblyer pasi i përket një prej agjencive më të mëdha në SHBA dhe tashmë ka fituar një titull të madh.
Konkurset e bukurisë kombinojnë gjithçka që dua, të jem në skenë, të kërcejë, të fotografohem, të flas me njerëzit. Unë mund t’i shijoj të gjitha pasionet e mia në të njëjtën kohë.
Stasio u abuzua seksualisht në moshën 4-vjeçare dhe punon me një organizatë jofitimprurëse që ndihmon viktimat e përdhunimit dhe abuzimit.
“Dua të dëgjohem, të ndaj historinë time dhe të jem pjesë e diçkaje të bukur. Isha në gjendje të përdor zërin dhe fuqinë time për të arritur këtu ku jam sot. Dua t’u tregoj grave të tjera se e kaluara nuk ndikon në vetëvlerësimin e tyre dhe atë që janë sot. Të flasësh publikisht për atë që më ndodhi më ndihmoi shumë të shërohesha. Kurora më ndihmoi të përqafoj atë që jam në të vërtetë. Unë besoj se historia ime u jep shpresë njerëzve të tjerë, nuk ka të bëjë më vetëm me mua. Ka të bëjë me ndarjen dhe të qenit të pambrojtur, në mënyrë që njerëzit të mos ndihen të vetmuar. Kjo është ajo që më bën të dalloj si konkurrente. Pasioni im për të ndihmuar njerëzit e tjerë. Unë do të lë zjarrin tim dhe dritën time të shkëlqejë”, tha ajo.
