Shtëpia e “Big Brother VIP Albania” është padyshim shtëpia më e përfolur dhe e diskutuar e momentit. Shikueshmëria ka kaluar pritshmëritë e saj, duke i mbajtur të gjithë shqiptarët të ngulur para ekranit për të pritur ndodhitë e ardhshme.
Kjo famë e padiskutueshme e show-t është reflektuar edhe në rrjetin social “Instagram”.
Banorët e shtëpisë, edhe pse tashmë e kanë patur statusin “VIP”, kanë pësuar një ngritje marramendësë të numrit të ndjekësve të tyre në llogarinë e “Instagram”.
Emisioni i të dielës “Fun Club Big Brother VIP”, ka bërë me dije se kush janë pesë nga banorët e shtëpisë, që kanë patur ndryshimet më të mëdha të shifrave të followers-ave, duke publikuar numrin e ndjekësve para, dhe pas hyrjes së tyre në garë.
Në vendin e 5-të, është renditur Einxhel Shkira. Gazetarja, që nga fillimi i programit, ka fituar plot 36.000 ndjekës. Ajo numëronte 110.000 ndjekës për t’u kthyer në 146 mijë.
Vendi i katërt i përket Beatrix Ramosaj, e cila ka shtuar 43 mijë ndjekës në llogarinë e saj. Këngëtarja ka patur 520 mijë të tillë, të cilët janë shndërruar shumë shpejt në 563k.
Në vendin e tretë ndodhet Sarah Berisha. Nga 78.000, ajo tashmë numëron 128 mijë, duke shtuar kështu plot 50.000 ndjekës të rinj.
Në vend të dytë, kemi DJ PM, i cili vlen të thuhet se vetëm pas daljes është rritur me 24 mijë followers dhe gjithsej në total ka arritur shifren e 52 mijë ndjekësish.
Listën e kryeson Donald Veshaj, i cili ka fituar 106.500 ndjekës që nga hyrja e tij në shtëpinë e “Big Brother”.
