Këngëtari me famë botërore, Ed Sheeran, ka përfunduar punën në kishën e tij private, me dhomën e tij të varrimit, në mjediset e shtëpisë së tij në East Suffolk
Daily Mail” shkruan se puna në kishë filloi më shumë se 19 muaj më parë. Ndërtesa ka një formë varke dhe një kullë mbresëlënëse të rrumbullakët, ku këngëtari dhe të dashurit e tij mund të “qëndrojnë për meditim, lutje dhe relaksim”.
Ajo është ndërtuar në buzë të pasurisë së këngëtarit – të cilën vendasit e quajnë “Sheeranville”, afër qytetit të tij të lindjes Framlingham, Suffolk.
Ylli 32-vjeçar i popit, i cili jeton me gruan e tij Cherry dhe dy fëmijët e tyre, fillimisht kishte plane për të ndërtuar një kishëz më të madhe, por kjo u refuzua nga arkitektët dhe inxhinierët e këshillit.
Kujtojmë se disa fqinjë e kundërshtuan ndërtesën, duke thënë se kishte mjaft kisha në zonë për t’u shërbyer banorëve. Megjithatë, këngëtari i famshëm bëri një aplikim të ri në vitin 2019 për një vend më të vogël, i cili fitoi miratimin nga Këshilli East Suffolk.
