Nga incidenti në Delvinë, ku babë e bir, goditën 54-vjeçarin zbulohen detaje të reja.

54-vjeçari është drejtori i “Delvina Gas”, i cili prej ditësh ndodhet në gjendje të rëndë shëndetësore në spitalin e Sarandës.

Babë e bir, Bledi dhe Enis Ali, Miri Bajrami dhe Ender Meleqi, ky i fundit nipi i nënkryetares së bashkisë së Delvinës Brunilda Meleqi, e kanë goditur drejtorin e “Delvina gas” me levë në kokë.

Kristo Dhima, si pasojë e plagëve të marra ndodhet në spital me 7 të qepura në kokë.

Policia nuk e ka bërë të ditur ngjarjen, ku dyshohet se Dhima është goditur me levë në kokë nga 5 personat me qëllimin për ta vrarë.

Gjithashtu sipas burimeve, dyshohet se ngjarja ka ndodhur për influence brenda kompanisë “Delvina Gas”.

Incidenti i rëndë nisi si një provokim, fillimisht me makinën për xhamin e pasqyrës dhe përfundoi në dhunë e tentative vrasjeje.

Bledi Ali është hoxhë dhe duke menduar se është person me influence e mbështetje, merr përsipër sulmin me leve, ndërkohë që krimi është kryer nga Miri Bajrami.

Shefi i komisariatit me urdhër të shefave të lartë të policisë shoqëroi hoxhën dhe të birin, por i liroi për 30 min. duke e klasifikuar ngjarjen si sherr ordiner.

Ngjarja ka ndodhur të enjten (22 qershor) dhe akoma dhe sot policia nuk ka një njoftim zyrtar.

Viktima e dhunës Kristo Dhima ka njolle gjaku brenda kafkës dhe ende mjeket nuk japin garanci për jetën e tij.