Fituesi i “Big Brother VIP 2” Luiz Ejlli tashmë do të vijë me një tjetër këngë, e cila padyshim pritet me shumë padurim nga ndjekësit e artistit.
Me këngën “Përgjithmonë” këngëtari më i përfolur i momentit pritet të thyejë rekorde. Top Channel ka publikuar një pjesë të tekstit me fjalë të ndjera, që duket se është dhe historia e jetës së tij dhe dashurisë që gjeti në shtëpinë më të famshme në Shqipëri.
Fryma e fundit
Shpresa e fundit ishe ti
Kur jeta më mundi
Rrugën e gjeta te ti
Nuk e di a të meritoj pasha dy sytë në ballë
Kam një jetë që po të kërkoj
Unë si ty kurrë s’kam pa…
Pritet që në orën 19.00 balada e dashurisë të publikohet në kanalin e tij zyrtar në YouTube, i cili shënoi pas hapjes mbi 50 mijë subscripe në 24 orë.
Ai ka vendosur të vijë me një solo, pas bashkëpunimit shumë të suksesshëm me artistin Donald Veshaj, që arriti miliona shikime.
