Pas çdo kutie të votimit që numërohet, gara për Tiranën ka filluar të bëhet edhe më e qartë, shkruan Gazeta Metro.
Nga 941 kuti të votimit në kryeqytetin shqiptar, deri më tani janë numëruar afro 400 sosh.
Dhe në situatën momentale, prinë kandidati i Partisë Socialiste, Erion Veliaj me mbi 60 mijë vota ose 53 për qind, kundrejt atyre opozitarë Belind Këlliçi nga “Bashkë Fitojmë” dhe Roland Bejko i Partisë Demokratike.
Këlliqi deri më tani ka grumbulluar afro 43 mijë vota ose afro 36 për qind, ndërsa kandidati demokrat Bejko, dhe Arlind Qorri nga “Lëvizja Bashkë”, mbetët nën 5 për qind.
Kandidatët e tjerë si Lajla Pernaska dhe Marko Dajti ngelën nën 1 për qind të trupës elektorale të Tiranës.
Deri më tani ka përfunduar numërimi në 17 bashki të vendit, ndërsa vijon në 44 të tjera.
PS ka triumfuar në Kamëz, Vorë, Elbasan, Pustec, Kolonjë, Librazhd, Dropull, Tropojë, Roskovec, Libohovë, Rrogozhinë, Kavajë, Këlcyrë. Ndërsa “Bashkë Fitojmë” në katër bashki Pukë, Has, Memaliaj dhe Belsh. PS kryeson në 40 bashki, kryesisht qendrat e qarqeve./gazetametro.net
