Dita e Nënës është një festë për të nderuar nënën dhe amësinë, lidhjet e nënës dhe ndikimin e nënave në shoqëri. Kjo festë përkon me të dielen e dytë të majit në shumë vende të botës.
Gjithçka ka lindur në Shtetet e Bashkuara të Amerikës dhe iniciuesja e kësaj dite është Anna Jarvis, e cila humbi nënën e saj në vitin 1905.
Tre vite më pas, Jarvis organizoi një memorial në Kishën Metodiste të Shën Andrew në Grafton, West Virginia në nder të nënës së saj dhe të gjitha nënave në botë.
Nënat nuk kanë asnjë ditë pushim. Prandaj për punën e tyre të palodhur, shpërblimet e tyre duhet të vijnë në formën e puthjeve, përqafimeve të ngrohta dhe kënaqësisë kur shohin fëmijët e tyre të rriten të lumtur dhe të shëndetshëm.
Ky ndoshta nuk është kompensimi i duhur, por kjo ditë shërben për ta rikthyer vëmendjen plotësisht tek ato, që vëmendjen e tyre e kanë cdo ditë të vitit tek ne.
Askush nuk e zëvendëson nënën, as dashurinë e saj dhe as sytë e pastër plot dritë, ndaj duhet të festoni për to dhe me to çdo ditë të jetës!
