Femrat në përgjithësi kur flitet për vajra flokësh mendojnë menjëherë se si ato ndikojnë në krijimin apo shtimin e yndyrës në flokë, gjë që realisht nuk do t’i pëlqente askujt. Por ndryshe nga sa mendohët ka shumë vajra natyralë të cilët nuk krijojnë probleme me yndyrën, përkundrazi ndihmojnë në forcimin e flokëve si dhe nxisin rritjen në një kohë më të shkurtër.
Vaji i kokosit
Vaji i kokosit konsiderohet si një ilaç i vjetër për problemet e shumta të flokëve. Përparësitë shëndetësore të këtij përbërësi për trupin, lëkurën dhe flokët janë studiuar gjerësisht. Vaji i kokosit përmban acide yndyrore dhe antioksidantë që mund të përthithen nga flokët, duke e bërë atë një alternativë natyrale shumë ushqyese për kujdesin e flokëve. Është një pastrues i thellë, zbërthyes dhe mbrojtës ndaj nxehtësisë.
Për më tepër, ai gjithashtu i bën flokët të jenë më të lëmuar, gjë që i bën më të lehtë për t'i stiluar.
Vaji i bajames
Vaji i bajames mund të përdoret për çdo lloj floku. Bajamja konsiderohet si 'Mbreti i Arrave', prandaj nuk është për t’u habitur fakti që vaji i përftuar nga ajo, i njohur si vaji i bajames, është një burim energjie vitaminash dhe lëndësh ushqyese për të nxitur rritjen e flokëve dhe për të ruajtur lagështinë e tyre. Vaji i bajames është jashtëzakonisht i pasur me lëndë ushqyese, por edhe i lehtë në strukturë.
Shumë i pasur me vitaminën E, ky vaj është një eliksir i gjithanshëm që lidhet mirë me shumicën e llojeve të flokëve: të trashë, të hollë, kaçurrelë, me onde, të drejtë dhe natyral.
Vaji i Arganit
Ky vaj përforcues me prejardhje natyrale prodhohet nga bërthamat e pemës së Arganit, e cila zakonisht promovohet si një trajtim natyral i rritjes së flokëve dhe një alternative natyrale ndaj ilaçeve për humbjen e flokëve.
Antioksidantët e fuqishëm të vajit të arganit dhe acidet yndyrore ushqyese i mbajnë flokët e hidratuar duke i mbrojtur nga dëmtimi prej stilimeve dhe dëmtimi nga radikalet e lira. Kjo mund të çojë në më pak rënie dhe hapje të majave.
Vaji i qepës
Ky përbërës modest në kuzhinën tonë çuditërisht ka edhe shumë përfitime për flokët. Vaji i qepës ka veti antimikrobike dhe antioksidante që krijon një mjedis të përshtatshëm për rritjen e flokëve rreth kokës tuaj. Ky ilaç natyral për rritjen e flokëve përmban përmbajtje të lartë të squfurit i cili ushqen skalpin dhe përmirëson shëndetin e gjëndrave të flokëve.
Është një vaj i mrekullueshëm edhe për nxitjen e rritjes së flokëve. Aplikimi i rregullt i këtij vaji do të parandalojë dhe trajtojë në mënyrë efektive rënien dhe pakësojë thinjat e flokëve.
Sigurisht që ndryshimet të tilla nuk ndodhin brenda natës, duhet t’i përdori vazhdimisht që të përfitoni prej tyre. Për rezultate dhe këshilla më të mira, madje mund të konsultoheni me mjekun tuaj.
