Që 1 mollë n’ditë, i thotë doktorrit ik, e thonë tashma edhe shkencëtarët, pikërisht sepse molla njihet për vetitë ushqyese dhe vitaminat që përmbanë. E edhepse mollën si frut lehtësisht e hajmë secili prej nesh, jo çdoherë na hahet si e tillë. Andaj edhe i patëm mbledhë 6 recetat ma t’shijshme me mollë – e sot po ja bashkangjesim kësaj liste edhe nji super recetë t’mirë, t’shijshme e t’lehtë.
Mollë, arra e kanellë bahen bashk n’recetën tonë t’radhës për me t’lumtunu e me ta ofru nji super shije me secilën kafshatë. E krejt çka t’duhet janë disa molla e pak harxh si dhe me i ndjekë 3 hapa t’thjeshtë e që e dëshmojnë se për me dal diçka e mirë, nuk ka nevojë me qenë e komplikume e as e vështirë. Megjithatë, pa i provu vet mollat e pjekuna me kanellë dhe arra, vështirë që mundesh me na besu.
PËRBËRËSIT:
4 molla (t’prera n’gjysmë)
2 lugë gjelle gjalpë (e shkrirë)
2 lugë gjelle sirup panje (maple syrup)
½ gotë tërrshanë
½ gotë arra (t’copëtume)
½ lugë çaji kanellë
Salcë karameli për servim – Opsionale
Akullore e vanillës për servim – Opsionale
HAPI 1:
MOLLA T’PJEKUNA N’FURRË ME KANELLË DHE ARRA – HAPI 1, FOTO: FEELGOODFOODIE
Fillimisht nxeje furrën n’200 C. Pastaj n’1 enë t’madhe shto gjalpin e shkrirë, arrat e grira, kanellën, sirupin e panjës dhe tërrshanën e përziji t’gjitha mirë.
HAPI 2:
MOLLA T’PJEKUNA N’FURRË ME KANELLË DHE ARRA – HAPI 2, FOTO: FEELGOODFOODIE
Mollave t’prera n’gjysmë largojau pjesën e farrave dhe gërryje mesin e tyre pak me lugë, që me e kriju nji “gropë” n’to. Vendosi gjysmat e mollëve n’tepsi dhe shto nga 1-2 lugë gjelle prej miksit me arra e kanellë.
HAPI 3:
MOLLA T’PJEKUNA N’FURRË ME KANELLË DHE ARRA – HAPI 3, FOTO: FEELGOODFOODIE
Shtini mollat me u pjekë n;furrë për 30 minuta. Ule pastaj temperaturën n’150 C dhe pjeku edhe për 10 minuta t’tjerë. Largo tepsinë dhe servo.
REZULTATI:
MOLLA T’PJEKUNA N’FURRË ME KANELLË DHE ARRA, FOTO: FEELGOODFOODIE
Vendosi mollat n’pjatë e shto sipër karamel t’shkrirë dhe nga 1 kugëll akullore po deshe e shijoje menjiherë këtë ambëlsinë super t’shijshme. Mos harro me ja qitë vehtes nji filxhan çaj me xhenxhefil dhe shafran, ose kafe e shijoje n’qetësi këtë super-ambëlsinë.
- ADVERTISEMENT -
E nëse je n’kërkim t’recetave t’lehta e t’shpejta t’deserteve, veçanarisht për rastet kur pret mysafir e ke qejf me i impresionu me aftësitë e tua t’gatimit, por pa u lodhë shumë – atëherë ta rekomandojmë me e përgatitë “Lava Cake” – t’cilin e ke hazër brenda 15 minutave. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
