Shumë njerëz e kanë punën më të madhe me menaxhimin e stresit lidhur me ushqimin, me alkoolin, aktivitetin fizik etj., por edhe seksi është një mënyrë mjaft e mirë për ta larguar stresin dhe lodhjen. Problemi është se ato mund të largojnë dëshirën për të pasur një jetë të shëndetshme seksuale.

Mes punës, familjes dhe shumë angazhimeve të tjera në jetë, seksi bie në fund të listës së gjërave që duhen bërë gjatë ditës. Edhe kur stresi bëhet pjesë e rutinës, çiftet shpesh janë shumë të lodhur, ndaj edhe kontaktin fizik fillojnë që ta rrallojnë, aq sa pohojnë se seksi është gjëja e fundit që u shkon në mendje të bëjnë.

Por nuk duhet të jetë kështu. Ja cilat janë disa gjëra që duhet t’i mbani në mendje për të pasur një jetë seksuale pa stres. Edhe nëse në fund të ditës ndihesh i lodhur.

Mos prisni deri në fund të ditës për të bërë seks

Përpiquni të gjeni mënyra alternative për ta shijuar kënaqësinë e seksit. Në vend që të prisni orën 23:00 ose edhe më vonë, kur jeni të dërrmuar dhe doni vetëm të flini, konsiderojeni mëngjesin e hershëm ose edhe dushin para se të dilni për punë për seks.

Mos e lini mënjanë dëshirën seksuale

Kjo nuk do të thotë që të bëni seks sa herë të jeni në qejf. Por do të thotë që duhet t’i mbani në konsideratë idetë e lojërave para seksit duke përfshirë puthjet dhe ngacmimet trup me trup gjatë ditës. Edhe nëse ato nuk përfundojnë në seks, tërheqja mund ta mbajë gjallë dëshirën.

Kujdesuni për shëndetin

Është shumë e thjeshtë për t’u kthyer tek ushqimi apo tek alkooli, apo edhe në substanca të tjera për t’u rehatuar nga stresi, por duke i bërë këto, thjesht do ta largoni më shumë dëshirën seksuale. Ndaj, menaxhojeni stresin duke u kujdesur për shëndetin. Bëni shpesh ushtrime fizike, ushqehuni mirë dhe mbajeni gjithmonë shëndetin prioritet. Seksi është një pikë shumë e rëndësishme e mënyrës së jetesës. Jo vetëm sepse të bën të djegësh kalori dhe të nxjerrësh toksinat nga trupi, por të bën të ndihesh më mirë, duke ta larguar stresin. /TAR/