Kryeministri i Kosovës, Albin Kurti, ka folur për takimin e 27 shkurtit, ndërsa ka thënë se Kosovën e presin diskutime të vështira në muajt në vazhdim, shkruan Gazeta Metro.
Pas pranimit të Propozimit Europian nga të dy palët gjatë ditës së djeshëm, kryeministri Kurti ka folur para gazetarëve.
Kurti tha se në muajt në vazhdim Kosovën e presin diskutime të veshtira.
“Nuk kemi hequr dorë nga asgjë dhe do të vazhdojmë për qytetarët e Kosovës. Na presin takime e diskutime të vështira në muajt në vazhdim. Jam i hapur për çdo raportim në Kuvendin e Kosovës”, tha Kurti.
Për mos publikimin e Propozimit Europian, Kurti u arsyetua se ishte kërkesë e negociatorëve, ndërsa i ka ftuar të gjithë që ta lexojnë e analizojnë pas publikimit këtë plan.
Kurti ka thënë se palët ndërmjetësuese të dialogut janë të përkushtuar që gjatë muajit mars të ketë marrëveshje për propozimin në fjalë.
Megjithatë për shkak të vështirësive që mund të ketë ai tha se nuk mund të paragjykojë për marrëveshjen finale me Serbinë.
Këto komente Kurti i bërë gjatë homazheve te Kompleksi i varrezave në Likoshan e Qirez me rastin e 25- vjetorit të masakrës së Qirezit dhe Likoshanit./gazetametro.net
