Ministrja tha se para se të dalë në një konferencë për media e të bëjë akuza të tilla, Abazi duhet të shkojë në Prokurori.
“Së pari para se të dalë në një konferencë për media të bëjë akuza të tilla duhet të shkoj në Prokurorinë Speciale.Unë nuk e di për çka deputeti e ka fjalën. Është e rëndësishme që ta njoftojë Prokurorinë Speciale, të bashkëpunojë e mos të fshihet”,deklaroi Haxhiu, transmeton lajmi.net.
Ajo po ashtu tha se edhe siç kanë njoftuar e kanë dhënë deklaratë për institucionet e Kosovës për të gjitha informatat të cilat i kanë.
“Siç kam njoftuar unë dhe zëdhënësi im kemi dhënë deklaratat për institucionet e Kosovës për të gjitha informacionet që i kemi.Çdoherë të do jem e gatshme t’i shërbej drejtësisë”, u shpreh ajo para mediave.
“Menjëherë pasi e kam kuptuar për akuzat e tij nga mediat, kam kërkuar nga Prokuroria Speciale që të merret me këtë rast, duke pasur parasysh se ky rast është në dorën e Prokurorisë Speciale, dhe është e rëndësishme që dëshmitari i rastit në këtë rast, të jetë deputeti Haki Abazi në këtë proces, pasi ky rast është i ndjeshëm”, ka thënë ajo.
“Këto audio-incizime e video-incizime janë ato që ju duhet t’i kërkoni për të konfirmuar se kush ka zhdukur mostrat e rastit Dehari. Hulumtimi im i fundit, pyetjet e mia që kam shtuar e diskutimet që kam bërë me njerëz përgjegjës kanë sjellur shkarkimi përbrenda Vetëvendosjes.Shkarkimi im është minor kundrejt borxhit që kemi për të sqaruar deri në fund se çfarë ka ndodhur me rastin Dehari dhe si është e mundur që në pushtetin e VV-së të zhduken mostrat e Astrit Deharit dhe kryeministri Kurti të mos e thotë asnjë fjalë të vetme për këtë gjë, asnjë.Por ne as si shoqëri as si qytetar individual e as si deputet s’mund të rrimë të heshtur përballë një procesi të këtillë dhe duhet të kryejmë punën. Instituti i Mjekësisë Ligjore është i monitoruar 24 orë prej kamerave dihet qartë se kush ka hyrë tek frigoriferi dhe ka nxjerrë mostrat që kanë qenë të vendosura nën mostrat tjera e janë zhdukur”,deklaroi Haki Abazi transmeton lajmi.net.
Përpos kësaj Haki Abazi tha se porosia e tij për ministren e Albulena Haxhiu është që të kryejë punën e saj si ministre e cila ka obligim para qytetarëve dhe para deputetëve.
“U thashë se Instituti i Mjekësisë Ligjore ka 24 orë në monitorim kamerat. Dhe thash që Prokuroria duhet ta marrë në pyetje: Albin Kurti, Dejona Mihalin, Albulena Haxhiu, Nazlie Balaj dhe Flora Bogaj Bajrami. Rasti i Deharit është shumë i rëndë për t’u mbajtur mbi supet e qytetarëve që kërkojnë drejtësi. Platforma e VV-së ka qenë drejtësia duhet të dalë në dritë”, përfundoi ai.
Pas këtij deklarimi, Prokuroria Speciale ka bërë të ditur se së shpejti do të intervistohet deputeti Haki Abazi.
“Prokuroria Speciale e Republikës së Kosovës, njofton opinionin publik se ka dëgjuar me vëmendje deklaratat e deputetit të Kuvendit të Kosovës, Haki Abazi, dhënë sot për media, dhe se i njëjti së shpejti do të ftohet për intervistim”,thuhet në njoftimin për media.
Kurse Kryeprokurori i Speciales, Blerim Isufaj tha se të hënën do të intervistojnë edhe kryeministrin Albin Kurti e ministren Haxhiu./Lajmi.net/
