Ish kryeministri italian Silvio Berlusconi është liruar nga akuzat në për dhënie rryshfeti ndaj dëshmitarëve në çështjen e njohur si “bunga – bunga”, një rast prostitucioni që përfshinte edhe persona të mitur, çështje që e ka ndjekur 86-vjeçarin për më shumë se një dekadë.
Berlusconi u akuzua se kishte paguar 24 persona për të dhënë dëshmi të rreme në gjyqin, ku ai u akuzua se kishte paguar për marrëdhënie seksuale kërcimtaren 17-vjeçare marokene, Karima El Mahroug, e njohur si Ruby, në një klub nate.
Prokurorët kishin kërkuar një dënim me gjashtë vjet burg për Berluskonin, partia e të cilit, Forza Italia është pjesë e koalicionit të kryeministres Giorgia Meloni.
Vendimi është mirëpritur nga kryeministja Meloni: “Lirimi i Silvio Berlusconit është një lajm i shkëlqyer që i jep fund një çështjeje të gjatë ligjore që pati gjithashtu pasoja të rëndësishme në jetën politike dhe institucionale italiane,” tha ajo në një deklaratë.
