Xhevdet Pozhari së fundi është ‘rehatuar’ në Ministrinë e Shëndetësisë, që udhëhiqet nga Arben Vitia. Ndërsa s’ka përtuar që t’iu bie në qafë opozitës, tash jo më nga ‘analistë i pavarur’ por nga pozita e ekspertit jashtëm në ministrinë e Vitisë, shkruan Gazeta Metro.
Menjëherë pasi u shpërblye si ekspertit të jashtëm në MSH, Pozhari, s’ka përtuar që t’ia bëjë ‘avokatin’, kryeministrit Albin Kurti, duke ironizuar me presionin ndaj tij për themelimin e Asociacionit.
Pozhari ka sulmuar opozitën, duke thënë se për të treguar se çfarë duhet të japim ‘mjafton me e qit në krye të proceseve naj Dullë apo Lumir’.
“Çështja është se miqtë na duhen për me e arrit atë që na takon dhe na mohohet, se sa për me na kallxu se çka duhet të japim, atë mund ta bëjmë edhe vet. Pa pasur nevojë për negociatorë. Mjafton me e qit në krye të proceseve naj Dullë apo Lumir”, ka shkruar Pozhari.
Postimi i plotë:
Negociatorët në dialog po i bëjnë presion Kosovës që të lëshojë pe ndaj Serbisë me themelimin e Asociacionit, në rrethana kur Serbia i ka shkel dhe vazhdon t’i shkelë marrëveshjet me dy këmbë.
Kryeministri Kurti po ju thotë, ma së pari njohja, e mandej flasim për të tjera.
Negociatat vlejnë për aq kohë sa e përçojnë dhe i reflektojnë kërkesat e dy palëve. Sigurisht që negociatorët me lehtësi kërkojnë gjithnjë e më shumë tek pala që e han ma shumë presionin! Tekefundit Asociacioni nuk do të bëhet në shtetet e tyre!
Çështja është se miqtë na duhen për me e arrit atë që na takon dhe na mohohet, se sa për me na kallxu se çka duhet të japim, atë mund ta bëjmë edhe vet. Pa pasur nevojë për negociatorë. Mjafton me e qit në krye të proceseve naj Dullë apo Lumir./gazetametro.net
