Opinionisti dhe gazetari, Valon Syla, i ka bërë thirrje Qeverisë Kurti që t’i hap lojërat e fatit, konkretisht bastoret, shkruan Gazeta Metro.
Syla në një postim në Facebook thotë se kjo duhet të ndodhë pasi që edhe ashtu kjo veprimtari po ushtrohet në formë ilegale në Kosovë, e nuk po tatimohet asgjë nga kjo,
Ai tutje ka kërkuar që nëse hapen, mos të hapen afër shkollave fillore të mesme, së paku në rreze 500 metra.
“Qelni more bastoret. Edhe ashtu krejt po lujnë, por asgje spo tatimohet. Krejt online, ose disa edhe dalin jashtë kufijve në Maqedoni e tjeter kah. Vetem e mira kish me qene mos me leju, bastore 500 metra radius afer shkollave fillore dhe të mesme”, ka shkruar Syla.
Ligji për ndalimin e lojërave të fatit në Kosovë, i cili ndalon funksionimin e bizneseve të lojërave të fatit për 10 vjet, ka hyrë në fuqi në muajin maj të vitit 2019.
Ky ligj ishte propozuar nga Qeveria e Kosovës, kurse u miratua në një seancë të jashtëzakonshme të Kuvendit të Kosovës me 28 mars të 2019.
Vendimi për mbylljen e lojërave të fatit është marrë, pasi në dy kazino në qytete të ndryshme të Kosovës, u vranë dy persona. /gazetametro.net
