Deputeti i LDK-së, Agim Veliu i është përgjigjur kryeministrit Kurti, i cili sot pati një përplase me kreun e partisë, Lumir Abdixhiku rreth 6 pikave që Kurti sot prezantoi për themelimin e Asociacionit.
“Ju lutem ta ruani qetësinë dhe racionalitetin. Ato 22 udhëzimet e Gjykatës Kushtetuese tregojnë sa herë kryetari juaj i nderit e ka shkelur kushtetutën, profesori që do të thoshim ne, e edhe unë.
“A po sugjeron Abdixhiku që të hyjmë me forcë në veri. Abdixhikun e kam pasur ministër, dhe deputetin Hoti zëvendës, por zëvendësi Bislimi e ministri Murati, cilido prej tyre, këta dy bashkë nuk janë as çereku i njërit prej tyre. Unë i njoh shumë mirë, e kam pasë edhe ministrin e brendshëm të LDK-së dhe nuk kanë pasë këso idesh. Këtyre idetë ua dirigjon karrigia”, tha Kurti.
E Veliu është kundërpërgjigjur duke thënë se asnjëherë nuk i ka shkuar mendja të bëjë siç ka thënë ai “budallakina” të tilla në veri.
“Kryeministri iu referue qeverisë Hoti ku isha ministër, por harroi me përmend se isha ministër edhe në qeverisjen Kurti, ky e din shumë mirë që mua mendja nuk më ka shkua me ba budallakina të tilla në veri, kur unë kam punuar për integrim të veriut. Unë i kam propozuar të ndërmarrim aksione në veri, por ky nuk ka pasë guxim. Atëherë i them që ka qenë mashtrues”, ka thënë Veliu. /Reporteri.net/
