Charles McGonigal është kthyer në personazhin kryesor në debatin politik në Shqipëri, pas hetimeve të nisura ndaj tij në SHBA.
Kjo, pasi ai u kap duke marrë 220 mijë euro nga një shtetas shqiptar, që sipas opozitës së Sali Berishës dhe Ilir Metës, ka lidhje me Edi Ramën dhe që ka qenë pikërisht ky i fundit, ai që i ka paguar këto para, për të lobuar kundër PD-së.
Por së fundmi në media është shfaqur edhe një foto e ish-zyrtarit të FBI-së, krah dy zyrtarëve të PD-së aktuale të Berishës.
Agjenti i FBI shfaqet në një foto shumë miqësore me Enri Ceno, aktualisht sekretar për marrëdhëniet me jashtë në Partinë Demokratike dhe Fjoralba Dizdarin, anëtare e këshillit kombëtar të Partisë Demokratike.
Të dy ata kanë reaguar, për të sfumuar këtë foto.
Por tani nëse do të ecim me logjikën e “Foltores” së Berishës, mund të nxjerrim përfundime të tilla si ato, se zyrtari i FBI mund të jetë paguar edhe nga vetë Berisha për të nisur hetimet për Lulzim Bashën dhe PD-në, për çështjen e famshme të lobimit me para ruse.
Microplastics From Food Packaging and Paint Found in Human Veins
Kjo, pasi pak kohë pas kësaj foto, dy personazhet, njëri jo me ndonjë begraund të njohur politik, dhe tjetra prezantuese moti, u katapultuan në PD-në e Berishës në pozicione drejtuese.
Pra dikush mund të thotë se ata u “shpërblyen” nga Berisha.
Kuptohet, ky është thjesht një hamendësim dhe ajo foto mund të jetë vërtet spontane, siç thonë personazhet e saj, edhe pse në të duken shumë të afërt, por me logjikën e Berishës dhe njerëzve të tij, mund të thoshim edhe të kundërtën!
