Policia e Kosovës, ka njoftuar se është në kërkim të dy të dyshuarve për veprën vjedhje e rëndë, duke kërkuar kështu nga kushdo që ka informacion për vendndodhjen e tyre, të lajmërojë policinë, shkruan Gazeta Metro.
Policia ka publikuar foto për të dyshuarit dhe se, në njoftimin e saj, ka shtuar se tashmë Sektori Rajonal i Hetimeve i drejtorisë Rajonale të Policisë në Prizren është duke i hetimet lidhur me rastin.
Njoftimi i plotë:
Kërkohen dy të dyshuar për veprën “Vjedhje e rëndë”
Prizren, 01 Shkurt 2023
Sektori i Rajonal i Hetimeve i drejtorisë Rajonale të Policisë në Prizren është duke zhvilluar hetime lidhur me veprën penale “Vjedhje e rëndë”, që ka ndodhur me datë 03.03.2022 , rreth orës 20:30 në një shtëpi në, në rrugën “Hazir Tolaj” në Prizren.
Me date 03/03/2022 rreth orës 20:30 . është raportuar një rast “Vjedhje e Rende” që ka ndodhur në një shtëpi në Rr.Hazir Tolaj ne Prizren, ku dyshohet se persona të dyshimte kane shfrytëzuar mos prezencën e familjareve në shtëpi dhe kane arrit te vjedhin kasafortën, në kasafortë ka pas stoli ari me vlerë prej njëzet mije euro (20.000 ) , si dhe një arme zjarri-Pistoletë model Tanfogiio Compact F ,9x9mm në emër te Viktimës.
Të dyshuarit kërkohen për veprën penale “Vjedhje e rëndë ”.
Sektori Rajonal i hetimeve në Prizren ka bërë përpjekje maksimale në ndriçim të veprës penale dhe ka siguruar 2 fotografi nga kamerat e sigurisë, mirëpo deri tani nuk ka rezultuar në identifikim e të dyshuarve.
Andaj Policia e Kosovës – Sektori Rajonal I Hetimeve në Prizren, bazuar në ligj për publikimin e fotove me shënime tjera të personave të kërkuar, me Autorizim të Prokurorisë Themelore në Prizren, me qëllim identifikimit, lokalizimin dhe rrjedhimisht arrestimin e dyshuarave, Kërkon që :
Kushdo që ka informacion për identitetin apo vendndodhjen e personave të dyshuar në fotot e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– E-mail adresa: [email protected] /gazetmetro.net
