Udhëheqës të shoqërisë civile, zyrtarë qeveritarë, liderë politikë dhe diplomatë.
Këta janë të ftuarit në një diskutim të organizuar nga Ambasada amerikane në Prishtinë, më 31 janar, për formimin e Asociacionit të komunave me shumicë serbe në Kosovë.
Kryeministri Albin Kurti, i cili e kundërshton kategorikisht këtë temë, nuk dihet nëse është ftuar në këtë diskutim.
Muhaxheri: Qeveria është dashur t’i ketë deri më tani disa drafte të Asociacionit
Sidoqoftë nga shoqëria civile po i bëjnë thirrje që ta pranojë ftesën në rast se veçse i ka shkuar në kryeministri.
I këtij mendimi është analisti Artan Muhaxhiri.
“Qeveria ta pranojë iniciativën amerikane për të diskutuar për Asociacionin. Kjo është alternativa e vetme për të gjetur një rrugëdalje nga bllokada e krijuar”, u shpreh Muhaxhiri për “Front Online”.
Sipas tij, ekzekutivi është dashur t`i ketë disa drafte për Asociacionin.
“Qeveria deri më tani është dashtë më i pas disa drafte për Asociacionin në mënyrë që me aleatët të diskutohet versioni më i pranueshëm për të gjithë. Fakti që ndodhet ende në një pikë kundërshtuese flet për probleme të mëdha të realizimit politik të kësaj qeverie në raport me temen e Asociacionit”, theksoi Muhaxhiri për “Front Online”.
