Ish-ministri i Financave si dhe deputeti Avdullah Hoti, ka reaguar lidhur me rritjen e çmimit të tatimit në pronë nga Qeveria, në zonat urbane siç ka thënë ai, duke ua dyfishuar faturat qytetarëve në kohë të rëndë ekonomike, shkruan Gazeta Metro.
Hoti ka thënë me ironi se Qeveria e ka nisur mbarë vitin, duke dyfishuar faturat e tatimit në pronë, në veçanti për zonat urbane.
Gjithashtu ai ka thënë se si arsyetohet ky dyfishim në krizën më të madhe të çmimeve në 15 vitet e fundit?
“I dyfishojnë faturat e tatimit në pronë, në veçanti për zonat urbane. Si arsyetohet kjo në krizën më të madhe të çmimeve në 15 vitet e fundit?!
85 mijë të punësuar nuk e dinë sa do ta kenë pagën në shkurt, por e dinë se faturat e tatimit në pronë i kanë të dyfishuara”, ka shkruar Hoti.
Postimi i plotë:
Qeveritarët e nisin vitin mbarë!!!
I dyfishojnë faturat e tatimit në pronë, në veçanti për zonat urbane. Si arsyetohet kjo në krizën më të madhe të çmimeve në 15 vitet e fundit?!
85 mijë të punësuar nuk e dinë sa do ta kenë pagën në shkurt, por e dinë se faturat e tatimit në pronë i kanë të dyfishuara.
Ligji sigurisht se kërkon ri-vlerësim të rregullt të vlerës së tregut të pronave. Por, ri-vlerësimi bëhet në kontekst të zhvillimeve ekonomike dhe sociale në vend, si dhe analizohet me kujdes se kur është koha e përshtatshme që kjo të reflektohet në faturat për qytetarët./gazetametro.net
