Presidentja e Kosovës, Vjosa Osmani, gjatë vizitës së saj në Itali është takuar me presidentin italian, Sergio Mattarella, transmeton Gazeta Metro.
Përmes një postimi në Facebook, Osmani ka thënë se u konfirmuan marrëdhëniet miqësore mes dy shteteve.
“Në Romën historike pata kënaqësinë të mirëpritem nga Presidenti i Republikës Italiane, Sergio Mattarella, me ç’rast u konfirmuan marrëdhëniet miqësore në mes të dy vendeve tona dhe u diskutuan mundësitë e shumta për thellim të bashkëpunimit bilateral”, ka shkruar ajo.
“Me Italinë e historisë së jashtëzakonshme, artit botëror, traditës kulinare e pejsazheve magjepëse ka kaq shumë gjera që na bashkojnë. Por, mbi të gjitha na bashkon orientimi ynë i përbashkët për paqe, demokraci e sundim të ligjit. Andaj, së bashku diskutuam për hapjen e kapitujve të rinj të bashkëpunimit si dhe për kontributin tonë të përbashkët për paqe e stabilitet në rajon“, ka thënë ajo. /gazetametro.net
