Deputeti i vetëm shqiptar në Kuvendin e Serbisë, Shaip Kamberi, përmes një postimi në Facebook ka bërë të ditur se i është drejtuar me një letër emisarit të SHBA’së për Ballkanin Perëndimor, Gabriel Escobar, transmeton Gazeta Metro.
Ai kërkon që në dialogun mes Kosovës dhe Serbisë të përfshihen edhe përfaqësuesit e komunitetit shqiptar në Luginën e Preshevës në takimet e radhës të dialogut.
Kamberi shkruan se një letër me përmbajtje të njëjtë do t’ia përcjellë edhe Përfaqësuesit të Lartë të Bashkimit Europian për Punët e Jashtme dhe Politikën e Sigurisë, Josep Borrell dhe presidentes së Komisionit Europian, Ursula von der Leyen.
”Në vazhdim të takimit tonë të 15 tetorit 2022 në Uashington DC, po shkruaj për të ripërsëritur qëndrimin e përfaqësuesve të zgjedhur të shqiptarëve të Luginës së Preshevës për t’u përfshirë në kuadër të dialogut ndërmjet Kosovës dhe Serbisë për të adresuar në mënyrë gjithëpërfshirëse situatën e komunitetit shqiptarë të Luginës së Preshevës,” thuhet ndër të tjerash në letrën e Kamberit.
Në fund, Kamberi siguron Escobar se “përfaqësuesit e zgjedhur të shqiptarëve të Luginës së Preshevës mbeten plotësisht të përkushtuar për të mbështetur përpjekjet tuaja për të arritur normalizimin e plotë të marrëdhënieve me Serbinë bazuar në respektin dhe reciprocitetin reciprok”. /gazetametro.net
Postimi i plotë:
