Alvin Berisha është djali që u shpëtua nga kapmi famëkeq të Al Hol në vitin 2019. Ishte nëna e tij, Valbona, që e mori atë dhe shkuan në Siri.

Pas një operacioni të autoriteteve italiane dhe shqiptare, ai doli nga kampi i ferrit dhe shkoi në shtëpinë e tij në Itali. Alvini qëndronte në këtë kamp që prej 14 marsit të vitit 2019, pas shtrimit në një spital në rajonin Hasakah të Sirisë, për shkak të plagosjes në këmbë nga një shpërthim ku thuhet se humbi nënën.

Ai jetonte me familjen në Itali, por nëna e tij e cila ishte radikalizuar në mbështetëse të ISIS, e mori me vete në vitin 2014 në Siri. Që prej asaj kohe, ai i kishte humbur gjurmët, por u gjet nga emisioni investigativ “Le Iene”, i cili u vu në kërkim të tij me kërkesë të babait të 11-vjeçarit.

Ditën e sotme, gjyshi nga mami i Alvinit, ishte në një lidhje “Skype” me emisionin “Shqipëria Live”, ku tregoi se nuk e kishte takuar atë dhe dy mbesat që nga viti 2014.

Gjyshi i bëri thirrje ish-dhëndrit që ta lejonte që të takonte mbesat dhe nipin. Ai gjithashtu kërkoi nga shteti që të merrte informacion të saktë në lidhje me vajzën e tij, pasi ai mendon se është gjallë.

Intervista:

Pse jeni sot në Shqipëria Live? Cila është kërkesa juaj?

Shteti shqiptar të ndikojë sado pak, që të vijë vajza ime me nipin që ka lindur atje. Ne u kënaqëm shumë që Alvini u kthye, kush nuk u kënaq.

Kur ka qenë hera e fundit që e ke takuar Alvinin?

E kam takuar pak kohë para se të ikte në Siri, në 2014.

Pas rikthimit në 2019, ju nuk e keni takuar?

Absolutisht jo. Ne na digjet shpiri për me fol me dy mbesat e nipin. Unë kam çuar njerëz për të bërë një pajtim, që të flas me ta, por pa rezultat.

Nuk keni qenë ju te ish-dhëndri juaj? Nuk keni folur me të?

Personat që kam dërguar atje, janë njerëz të nderuar, nuk flas dot fjalë negative. Vajza dhe ish-dhëndri nuk e ndërtuan jetën siç duhet. Bënë 3 fëmijë që fatkeqësisht i lanë keq.

Kishin mosmarrëveshje?

Po, erdhi kjo që nuk duhej bërë. Ndodhi, çfarë të bëjmë.

Sa i përket Alvinit, keni një kërkesë për ish-dhëndrin tuaj?

Me Afrim unë kisha këtë lloj kërkese, dua që këta 3 fëmijë të jenë të lirshëm për me ardhur te ne. Edhe për t’i shoqëruar për të shkuar

Kjo është kënaqësia shpirtëror. Gjyshërit duhet të jenë prezentë, është e drejtë.

Pse nuk ju lejon që ti takoni? Përtej mosmarrëveshjeve, çfarë ka ndodhur tjetër?

Kam pasur njerëz që kam dërguar atje, e ata kanë thënë se nuk duan vajzat. Por unë nuk mendoj kështu. Ata duhet ta dinë se kush janë gjyshërit. Kemi 8 vite që nuk kemi asnjë lloj komunikimi. Nuk ka mundësi që

Do shkonit ti takoni në Itali nëse do ju lejonte ish-dhëndri?

Me kënaqësinë më të madhe.