Forcat e armatosura të Kosovës kanë njoftuar përmes një shkrimi e disa fotografi të postuara në ”Facebook” se disa instruktorë të Ushtrisë Britanike janë duke realizuar trajnime për Forcën Speciale të Kosovës, shkruan Gazeta Infokus.

Me qëllim të mbështetjes e krijim avancimi në kapacitetet mbrojtëse që të ketë ndërveprime me partnerë Mbretëria e Bashkuar ka ndihmuar në vazhdimësi FSK-në për ngritje të kapacitetit në mbrojtje e siguri.

“Instruktorë të Mbretërisë së Bashkuar nga Ekipit Trajnues dhe Këshillues të Ushtrisë Britanike( BMATT) po realizojnë trajnime të avancuara për Forcën e Sigurisë së Kosovës, në ndihmë dhe mbështetje për të avancuar me krijimin e kapaciteteve të mbrojtjes dhe për të qenë të ndërveprueshëm me partnerët. Mbretëria e Bashkuar në vazhdimësi ka ndihmuar FSK-në, në ngritjen profesionale me trajnime bazike dhe të avancuara duke mbështetur kështu ngritjen e kapaciteteve të FSK-së, në fushën e mbrojtjes dhe sigurisë. Gjatë këtyre ditëve Instruktorët e Mbretërisë së Bashkuar janë duke realizuar trajnimin për Xhenier Luftarak të Avancuar dhe trajnimin e Komandimit dhe Udhëheqjes së Liderëve të rinj, në Babaj të Bokës dhe Aeroportin e Gjakovës. Pjesëtarët e FSK-së po tregojnë performancë të lartë të përgatitjeve, gjithashtu po përfitojnë njohuri të reja nga ekipet e instruktorëve”, shkruhet në njoftimin e plotë të bërë nga FSK-ja./Gazeta Infokus/