Kancelari gjerman, Olaf Scholz është pyetur sot në Berlin rreth propozimit franko-gjerman, e diçka e tillë është pranuar nga kancelari i cili ka thënë se Gjermania dhe Franca janë duke punuar që të bëjnë të arritshme që të ketë një proces ku dy qeveritë, ajo e Kosovës dhe e Serbisë të arrijnë një marrëveshje, shkruan Gazeta Metro.
Duke folur për Kosovën dhe Serbinë dhe për një marrëveshje të mundshme mes dy vendeve që gjenden në tensione kohë pas kohe, gjermani ka thënë se shpreson që se shpejti te kenë një marrëveshje mes Kosovës dhe Serbisë.
Scholz e ka pranuar që plani franko-gjerman ekziston dhe se po mundohen që të gjejnë një zgjidhje së bashku me qeverinë franceze.
“Është e saktë që konfliktet në Ballkan që janë trashëguar duhet të zgjidhen dhe tani janë arritur disa hapa dhe janë bërë disa hapa të rëndësishme në këtë proces dhe kemi. Sa i përket Kosovës dhe Serbisë atje duhet të gjendet një mirëkuptim, ne dhe qeveria franceze jemi duke u munduar që ta bëjmë të arritshme dhe të realizueshme dhe shpresojmë që shumë shpejt të kemi një proces ku dy qeveritë do të lëvizin përpara dhe të arrijnë një marrëveshje. Kjo kërkon një fuqi të madhe dhe një durim të madh për të arritur një marrëveshje” , tha Scholz./gazetametro.net
