Johannes Madsen nga Zyra e Bashkimit Evropian në Kosovë, ka thënë se në Raportin për Kosovën theksohet se Kosova i ka plotësuar kriteret për heqjen e vizave që në vitin 2018.
Në tryezën me temën “Agjenda Evropiane 2022”, e organizuar nga Komisioni për Integrim Evropian, Madsen shtoi se Kosova ka shënuar progres në funksionimin e gjyqësorit, njofton Klan Kosova.
“Raporti për Kosovën thekson që Komisioni Evropian ka bërë propozimin për ta hequr regjimin e vizave, por që ende është në pritje në Këshillin Evropian. Komisioni vazhdon vlerësimin nga viti 2018 që Kosova i ka përmbushur të gjitha kriteret për liberalizimin e vizave”.
