Kryetari i Partisë Demokratike Sali Berisha është shprehur ditën e sotme se kryeministri Edi Rama dhe përfaqësuesi i tij Dorian Duçka janë nën hetim nga FBI.
Nisur nga artikulli “Business Insider” për ish-zyrtarin e lartë të FBI-së në hetim për lidhjet ruse, Berisha shkruan “se lidhje e tij private është Edi Rama dhe se një juri e madhe në mandatin e saj ka kërkuar: t’i sillet çdo gjë dhe të gjitha regjistrimet, materialet në disponim të të gjykuarit që dokumentojnë çdo komunikim personal, përfshi këtu, por jo kufizuar, mesazhe celulari, mesazhe e-maili elektronik, mesazhe në aplikacion të inkriptuar celulari, mesazhe zanore, letra, ose shënime midis Charles McGinogal dhe midis të tjerëve: Qeverisë së Republikës së Shqipërisë ose çdo personi të lidhur me qeverinë e Republikës së Shqipërisë, përfshi këtu, por jo kufizuar, kryeministrin Edi Rama”.
Berisha shkruan gjithashtu në rrjetet e tij sociale se juria e madhe kërkon hetimin e çdo udhëtimi në Republikën e Shqipërisë të mikut të Edi Ramës nën hetim për lidhje ruse, zyrtarit të niveleve më të larta të FBI, Charles Mc Gonigal si dhe pagesa apo dhurata të dhëna Charles McGonigal nga përfaqësuesi i Ramës, Dorian Duçka, Agron Neza ose çdo person i lidhur me qeverinë e Republikës së Shqipërisë.
Postimi i Berishës
Edi Rama dhe përfaqësuesi i tij famoz Dorian Duçka nën hetim nga FBI!
