Deputeti i PDK-së, Bekim Haxhiu ka folur rreth rritjes së rasteve me COVID-19 në Kosovës.
Sipas Haxhiut, ky numër kaq i madh i rasteve tregon më së miri që Qeveria Kurti nuk e ka prioritet shëndetësinë.
“Pandemia dhe shëndetësia jo vetëm që nuk janë prioritet i Qeverisë Kurti, por ka abstenim në menaxhimi të pandemisë COVID-19 dhe të Shëndetësisë nga ana e Qeverisë.Virusi po lulëzon në Kosovë derisa kryeministri Kurti pushonte në Greqi dhe kur ai kthet në Kosovë nuk mirret me pandeminë COVID-19, por mirret me një turnir futbolli”, ka shkruar Haxhiu.
Sipas Haxhiut, edhe profesionistët shëndetësorë janë duke u anashkaluar dhe ikja e tyre jashtë vendit do të vazhdoj.
Krejt në fund, Haxhiu ka përmendur edhe shpenzimet për blerjen e vaksinave anti-COVID teksa, ka ftuar prokurorinë që të hetojë tërë këtë proces të bleres dhe donacioneve të pranuara.
Shkrimi i plotë pa ndërhyrje:
Shifra alarmante të rasteve me COVID-19!
Për 7 ditë 4507 raste të reja, 36.06% mesatarja pozitivitetit të të testuarve në javën e fundit, pozitivetet kaq i lartë nuk ka qenë asnjëherë që nga fillimi i pandemisë.
Pandemia dhe shëndetësia jo vetëm që nuk janë prioritet i Qeverisë Kurti, por ka abstenim në menaxhimi të pandemisë COVID-19 dhe të Shëndetësisë nga ana e Qeverisë.
Virusi po lulëzon në Kosovë derisa kryeministri Kurti pushonte në Greqi dhe kur ai kthet në Kosovë nuk mirret me pandeminë COVID-19, por mirret me një turnir futbolli.
Ndërsa Ministri i Shëndetësisë, në vend se të mirret me menaxhim të pandemisë COVID-19, ai ka shkuar në vizitë në Austri në një klinikë të stomatologjisë.
Për shëndetësi e popullatë kush do të kujdeset?
Profesionistët shëndetësorë të anashkaluar e injoruar në kërkesat e tyre, rritje të pagave nuk ka dhe as nuk ka Qeveri që do të ndal ikjen e mjekëve!
Kush do të menaxhojë situatën me COVID-19 dhe kush do të kujdeset për pacientët?!
Vërejtje :
Miliona euro të shpenzuara në blerje të vaksinave anti-COVID-19 (kontratë e klasifikuar sekret), vaksina të pranuara donacion të cilave iu ka skaduar afati për shkak të dështimit në procesin e vaksinimit.
Prokuroria duhet të hetojë tërë procesin e blerjes së vaksinave dhe donacioneve të pranuara!
