Ka përfunduar Mbledhja Konsituive e Kuvendit të Odës Ekonomike të Kosovës (OEK), ku është votuar për kryetar të OEK’ut, e ku në garë për këtë mandat katër vjeçar më së shumti vota ka marrë Lulzim Rafuna gjithsej 27 vota, ndërsa Ruzhdi Kurtishaj 12 dhe Erëza Vela 11, shkruan Gazeta Metro.
Në këtë mbledhje Konstituive të Kuvendit të Odës Ekonomike të Kosovës (OEK), kanë marrë pjesë 51 delegatë.
Ndërsa Kryesues i Kuvendit është zgjedhur Sami Mazreku nga Byroja e Sigurimeve.
Duhet theksuar se Lulzim Rafun, në të kaluarën ka qenë drejtori i Doganës së Kosovës.
Deri tash kryetar i Odës Ekonomike të Kosovës (OEK), ka qenë Berat Rukiqi, i cili javën e kaluar mbajtur konferencën e fundit për gazetarë. Ai vlerësoi se sfidë për katër vite për OEK-un, ishte ndërrimi i qeverive./gazetametro.net
