Emisari i Bashkimit Evropian për dialogun mes Kosovës dhe Serbisë, Miroslav Lajçak, është takuar sot në Greqi me kryeministrin e Kosovës, Albin Kurti.
Përmes një postimi në Twitter, ku Lajçak ka shpërndarë një foto duke diskutuar me Kurtin, i njëjti ka deklaruar se së bashku me kryeministrin e Kosovës folën për hapat e mëtutjeshëm në dialog, shkruan lajmi.net.
“Në margjinat e datës Symi Symposium-it të 24-të, me Albin Kurtin diskutuam për situatën aktuale në rajon dhe Dialogun për normalizim. Ne u fokusuam veçanërisht në hapat e mëtejshëm të nevojshëm për të bërë përparim në Dialog”, shkroi diplomati sllovak.
Kurti dhe Lajçak u takuan margjinat e simpoziumit të 24-të “Symi” në Athinë, që është mbledhje vjetore që bashkon politikanë, intelektualë, sipërmarrës e shkencëtarë për të diskutuar lidhur me çështjet urgjente të kohës.
Kujtojmë se së fundmi është raportuar për një mundësi takimi mes kryeministrit të Kosovës, Albin Kurti dhe presidentit serb, Aleksandër Vuçiq, por një takim i tillë ende nuk është konfirmuar nga palët. /Lajmi.net/
