Sot ka ndërruar jetë një person nga Rahoveci i cili u godit nga rrufeja ditë më parë.
I ndjeri ishte goditur nga rrufeja derisa po punonte punë bujqësore në tokën e tij.
Njoftimin për vdekjen e tij ka dhënë faqja e fshatit Fortesë në rrjetin social Facebook.
“Ka vdekur në moshën 42 vjeçare F. (Reshit) Gashi nga Fortesa, varrimi i të ndjerit bëhet sot, 11 korrik 2022, në ora 17:00, në varrezat e fshatit. U shprehim ngushëllime të sinqerta familjarëve, bashkëfshatarëve, miqve dhe të gjithë atyre që e njohën! Prehu në paqe Izë!”, thuhet në njoftim.
Kujtojmë se Policia e Kosovës më 6 korrik kishte njoftuar mediat për personin e goditur nga rrufeja, i cili kishte qenë në gjendje të rëndë andaj edhe ishte dërguar për trajtim në QKUK, ku ka qëndruar deri në ditën e fundit të jetës.
