Rreth 630 votues votuan sot për herë të dytë në zgjedhjet e përsëritura parlamentare në Tërnoc, ndërsa Koalicionit të Shqiptarëve të Luginës i nevojiten 610 vota për një deputet, mësohet jozyrtarisht nga portali në gjuhën serbe Bujanovaçke, raporton Front Online.
Nga këto zgjedhje varet nëse Koalicioni i Shqiptarëve të Luginës do të marrë një mandat në Kuvendin e Serbisë, për të cilin i duhen 610 vota.
Me kusht që të gjithë ata, që sot votuan në vendvotimin numër 6 në shkollën fillore “Muharrem Kadriu”, ta japin votën e tyre për Koalicionin e Shqiptarëve dhe nëse nuk ka ankesa për procesin zgjedhor, Shaip Kamberi do të jetë deputet i kësaj përbërje të Kuvendit të Serbisë. Derisa po e raportojnë (rreth orës 20:30), në vendvotim ndodhen vetëm qytetarët që kanë qenë aty në orën 20:00, kur qendra e votimit është e mbyllur. /Front Online/
