Prokuroria Themelore në Ferizaj ka njoftuar se në kuadër të aksionit “Brezovica ”, i cili është vazhdimësi i aksioneve të mëhershme, sot janë kontrolluar dhe bastisur gjashtë lokacione të ndryshme janë ndaluar, katër persona të dyshuar, në mesin e tyre edhe ish-sekretari? i Ministrisë së Infrastrukturës, shkruan Reporteri.net.
Prokuroria ka njoftuar se personat e arrestuar me inicialet Xh.B., I.F., Xh.Sh., dhe B.P., janë ndaluar për shkak të dyshimit se të njëjtit kanë kryer veprat penale “Marrja e ryshfetit”, “Ushtrimi i ndikimit” dhe “Dhënia e ryshfetit”.
“Ndërsa, gjatë kontrollit në objektet e kontrolluara janë gjetur dhe konfiskuar: Pushkë e gjuetisë, revole, telefon celular, laptop dhe dokumente të ndryshme”, thuhet në njoftim.
Në aksionet e mëparshme në rastin e ashtuquajtur “Brezovica”, deri më tani janë ishin arrestuar 26 të dyshuar, prej të cilëve 4 janë liruar në procedurë të rregullt dhe 19 prej tyre iu është caktuar masa e paraburgimit, kurse u janë bllokuar afër 6 milionë euro. /Reporteri.net
