Shefi i Grupit Parlamentar të Lidhjes Demokratike të Kosovës (LDK), Arben Gashi, e ka konfirmuar për Gazetën Metro se nesër do të fillojnë procedurat parlamentare për shkarkimin e bordit të Zyrës së Rregullatorit të Energjisë (ZRRE), shkruan Gazeta Metro.
Gashi ka folur për Gazetën Metro duke thënë se nesër me anë të mjeteve demokratike e parlamentare do të kërkojnë që bordi i ZRRE të shkarkohet, kjo vije pas vendimit të Gjykatës së Apelit për të anuluar vendimin për shtrenjtimin e tarifave të energjisë elektrike, dhe kategorizimin e tyre.
“Nesër do të iniciojmë procedurën për shkarkimin e Bordit të ZRRE”, tha Gashi.
Në fillim të prillit të këtij viti ishte fillimisht Gjykata Themelore mori vendim të pezullimin e këtyre tarifave, pas kësaj ZRRE u ankua në Gjykatën e Apelit, por me 18 maj, edhe kjo e fundit vërtetoj aktvendimin e Themelores.
Në fund të vitit të kaluar Kosova u përfshi nga një krizë e madhe energjetike, ku më pastaj me insistimin e qeverisë dhe me anë të ZRRE’së u rritën tarifat e energjisë elektrike për kategori të caktuara.
Kujtojmë se vazhdimisht opozita ka kritikuar qeverinë për mos transparencë sa i përket ‘krizës’ me energjinë elektrike, që nga mungesa e saj, deri te importimi jo transparent me shifra të mëdha.
Në kryeqendër të skandalit me energji elektrike mbetët ambasadori i Kosovës në Kroaci, Martin Berishaj, i cili u raportua nga mediat sllovene si i përfshirë në një skandal financiarë në këtë shtet./gazetametro.net
