Gjatë Paradës së Krenarisë të LGBTQI+, policia e Turqisë ka bastisur Universitetin “Bogazici” të Stambollit duke arrestuar dhjetëra studentë.
Sipas studentit të diplomuar për avokati, Mahmut Seren, policia turke ka vënë në pranga 33 persona, ndërsa në përpjekje për të ndaluar arrestimet janë plagosur disa mësues.
Ndër të tjera, Seren ka deklaruar për mediat turke se në edicionin e nëntë të kësaj parade, nuk kishte pasur asnjë urdhër ndalimi nga zyra e guvernatorit apo rektori.
Kujtojmë se presidenti turk Recep Tayip Erdogan, i ka ndaluar paradat e komunitetit LGBTQI+ që në vitin 2015.
