Ministri i Brendshëm i Serbisë, Aleksandër Vulin i ka quajtur shqiptarët sërish me termin “shiptar”.
Vulin këtë e ka bërë në një intervistë për një medium serb, derisa ka komentuar deklaratat e kryeministrit të Kosovës, Albin Kurti se “Vuçiq është Putini i vogël”.
“Aleksandar Vuçiq nuk është një Putin i vogël, ashtu siç serbët nuk janë rusë të vegjël. Vuçiq është një serb i madh dhe ai duhet të jetë një serb i madh. Vuçiq është president i të gjithë serbëve dhe kjo mund ta shqetësojë Kurtin e vogël, sepse ai nuk është president i të gjithë ‘shiptarëve’ në Kosovë, dhe Vuçiq është president i të gjithë serbëve dhe më vjen mirë që kjo e lëndon Kurtin”, ka thënë ai për një medium serb, ndërsa intervista është publikuar edhe në faqen zyrtare të MB të Serbisë.
Karshi këtyre deklaratave ka reaguar Instituti për Çështje Evropiane, duke rikujtuar se ky term është fyes.
“E nderuara @zastitnikrs @ravnopravnostRS, ju ftojmë të reagoni ndaj deklaratës së ministrit Vulin. Në bazë të vendimit të Gjykatës së Lartë në Beograd, termi “shiptar” konsiderohet politikisht jokorrekt dhe fyes në gjuhën serbe për pjesëtarët e kombësisë shqiptare”, thuhet në reagimin e Institutit.
Poštovani @zastitnikrs @ravnopravnostRS pozivamo vas da reagujete na saopštenje ministra Vulina.
— Institut za evropske poslove (@IEA_rs) May 20, 2022
Na osnovu presude Višeg suda u Beogradu, termin “Šiptar” se smatra politicki nekorektnim i uvredljivim sadržajem u srpskom jeziku za pripadnike albanske nacionalnosti. pic.twitter.com/VptRxaJv3a
