Gjykatësi i Gjykatës Speciale, kur kishte qenë pjesë e misionit të EULEX-it në Kosovë, Grupin Drenica e kishte quajtur kafshë që duhet zbutur, dhe ketë e ka bërë të ditur gazetari hulumtues Vehbi Kajtazi
Gazetari Vehbi Kajtazi i ftuar në emisionin “Debat Plus”, ka treguar se si e ka zbuluar padrejtësinë e misioneve në Kosovë. Sipas tij, po i njëjti gjykatës, që ka shqiptuar dënimin për rastin e Haradinajt e Gucatit, në të kaluarën i kishte quajtur pjesëtarët e Grupit Drenica kafshë që duhet zbutur.
“Ky kryetari i trupit gjykues zotëria i cili po tenton të frikësoj të tjerët, vetëm se po ja bëjë me dije se ky zotëria në rastin e grupit të Drenicës gjatë gjykimit ka thënë se këta janë kafshë që duhet të zbuten, dhe për këtë është denoncuar publikisht, edhe askujt nuk ju ka dëgjuar zëri për këtë punë, thjesht kanë dalur shkrimet dhe argumentet, këto që po i them unë janë në padinë e ish-kryetarit të EULEX, Malcom Simons”, ka thënë Kajtazi.
Ai tutje ka thënë se padia është shqyrtuar në instanca gjyqësore në Londër dhe Bruksel.
Kajtazi nuk ka arritur ta kuptoj se si është e mundur që dikush që i quan kafshë që duhet zbutur e ka rolin e gjykatësit i cili shqipton dënime ndaj tyre, edhe pse kjo mund të jetë e bazuar në ligj.
“Gjithçka mund të jetë e bazuar në ligj por, problemi qëndron se kush po e zbaton atë ligj“, ka thënë Kajtazi.
Mbi 50 për qind e gjyqtarëve të EULEX-it janë në Gjykatën Speciale, sipas gazetarit hulumtues Vehbi Kajtazit.
