Udhëheqësi i Koresë së Veriut, Kim Jong-un ka deklaruar se përhapja e shpejtë e infektimeve në vend është një “katastrofë e madhe”.
Sipas mediave shtetërore, Kim bëri thirrje për një betejë të gjithanshme për të frenuar përhapjen e virusit gjatë një takimi urgjent të shtunën, shkruan BBC.
“Përhapja e epidemisë malinje është trazira më e madhe që ka rënë mbi vendin tonë që nga themelimi,” citoi agjencia zyrtare e lajmeve KCNA të thoshte Kim.
Takimi vjen pasi zyrtarët njoftuan rastet e para të konfirmuara të enjten, megjithëse ekspertët besojnë se virusi ka shumë gjasa të ketë qarkulluar prej disa kohësh.
Ekziston frika se një shpërthim i madh mund të ketë pasoja të tmerrshme në Korenë e Veriut.
Popullsia e saj prej 25 milionë banorësh është vunerabël për shkak të mungesës së një programi vaksinimi dhe sistemit të dobët të kujdesit shëndetësor.
Dhe të shtunën, media shtetërore raportoi se kishte pasur gjysmë milioni raste me ethe të pashpjegueshme në javët e fundit.
Ky shtet ka aftësi të kufizuara për testime, kështu që shumica e rasteve Covid nuk janë konfirmuar.
