Ministri i Jashtëm rus Sergei Lavrov pretendon se Perëndimi po zhvillon një "luftë hibride, gjithëpërfshirëse" kundër Rusisë. Ai e bëri deklaratën gjatë një fjalimi në Moskë
Ministri i Jashtëm rus Sergei Lavrov tha sot se Perëndimi ka shpallur një "luftë totale hibride" kundër Rusisë dhe se është e vështirë të parashikohej se sa do të zgjaste lufta.
Në një deklaratë në ditën e 80-të të pushtimit rus të Ukrainës, Lavrov denoncoi sanksionet perëndimore kundër Moskës dhe u përpoq të portretizonte Rusinë si objektivin dhe jo si autorin e një sulmi.
"Perëndimi ka shpallur një luftë hibride të plotë kundër nesh dhe është e vështirë të parashikohet se sa kohë do të zgjasë kjo, por është e qartë se pasojat do të ndjehen nga të gjithë, pa përjashtim," tha ai në një deklaratë.
Lavrov tha se përpjekjet për të izoluar Rusinë janë të destinuara të dështojnë. Për më tepër, shtoi ai, Perëndimi po tradhton vlerat e veta.
"Ai termi i luftës gjithëpërfshirëse u përdor nga Gjermania hitleriane dhe tani përmendet nga shumë politikanë evropianë kur flasin për atë që duan të bëjnë me Rusinë. Qëllimi i tyre nuk është i fshehur, ata deklarojnë publikisht se janë fokusuar në ekonominë ruse dhe Rusinë, thjesht duan ta shkatërrojnë plotësisht".
"Ne bëmë gjithçka që mundëm për të shmangur një konfrontim të drejtpërdrejtë – por tani që sfida ka ndodhur, ne, natyrisht, e kemi pranuar atë".
Lavrov komentoi sanksionet me ironi kur tha se "ato kanë ekzistuar gjithmonë në një formë ose në një tjetër." /noa.al
