Një drejtues i veturës në fshatin Lubovec të Skenderajt, i moshës së mitur, ka shkelur një vajzë 4-vjeçare gjatë së martës, duke i shkaktuar lëndime trupore kësaj të fundit.
Kështu ka njoftuar Policia e Kosovës, duke bërë të ditur se gjendja e 4-vjeçares është jashtë rrezikut për jetë..
“Fsh. Lubovec, Skenderaj 10.05.2022 – 16:25. Raportohet se ka ndodhur aksident trafiku ku një veturë me targa të huaja me drejtues të dyshuarin, fëmijë mashkull kosovar i cili e ka goditur një fëmijë 4 vjeç femër me ç’rast i ka shkaktuar lëndime të rënda trupore. Viktimës fillimisht iu është ofruar trajtim mjekësor në spitalin e Mitrovicës e më pas për trajtim të mëtutjeshëm mjekësor është dërguar në QKUK Prishtinë dhe sipas stafit mjekësor gjendja e viktimës është jashtë rrezikut për jetë. Lidhur me rastin është konsultuar prokurori i shtetit”, bëhet e ditur në raport.
