Aksident tragjik me pasojë vdekjen e atë e bir dhe plagosjen e 8 të tjerëve.
Rasti i rëndë ka ndodhur mbrëmë pas mesnate në zonën e Pavias në Itali.
Babai 45-vjeçar doli për të ndihmuar djalin e tij 11-vjeçar, pasi mjeti i tyre minibus u përplas, por u mor para nga një tjetër makinë, dhe të dy humbën jetën menjëherë.
8 persona të tjerë (përfshirë bashkëshorten 43-vjeçare dhe dy fëmijët e tjerë të çiftit, 14 dhe 15 vjeç) u plagosën. 5 persona të tjerë në automjete të ndryshme gjithashtu u lënduan.
Sipas një rikonstruksioni fillestar (dinamika po hetohet nga policia rrugore), makina në të cilën udhëtonte familja franceze është përplasur nga një mjet. Pas goditjes së dhunshme, djali 11-vjeçar u hodh nga makina. Babai doli menjëherë në përpjekje për ta shpëtuar, por u përplas nga një makinë e tretë e cila ndërkohë po udhëtonte në të njëjtën rrugë.
Fatkeqësisht për babanë dhe djalin nuk kishte asgjë për të bërë, lëndimet e marra ishin shumë të rënda. 8 të plagosurit u transportuan me ambulancë në spitalin Voghera dhe Poliklinikën San Matteo në Pavia: gjendja e tyre nuk duket shqetësuese.
Policia ndaloi një prej shoferëve të përfshirë në këtë aksident. Po punohet për zbardhjen e rrethanave të plota të këtij aksidenti. Noa.al
