Bosnja dhe Hercegovina u godit mbrëmjen e djeshme nga një tërmet i fuqishëm 5.7 ballë, që i mori jetën tragjikisht një 27-vjeçareje.
Elmira Sefo, humbi jetën ndërsa prindërit dhe motra e saj u plagosën pasi një masiv shkëmbor zuri poshtë shtëpinë e tyre. Shumë miq dhe të njohur i dhanë lamtumirën e fundit Elmirës së vrarë tragjikisht përmes rrjeteve sociale.
Hafiz Nedim Botiq i ka dhënë lamtumirën e fundit Elmira Sefos në faqen e tij në Facebook, duke cituar ajetin kuranor “Të gjithë jemi të Allahut dhe tek Ai kthehemi”.
“Ne kurrë nuk e dimë se cila është dita jonë e fundit, kështu që çdo ditë jetoni si të fundit. Shumë i keqkuptojnë këto fjalë. Jetoni çdo ditë duke qenë gati për t’u kthyer te Zoti”, shkruan mesazhi në Facebook.
Portali lokal “Stolac.com” ka shpërndarë në faqen e tij në Facebook një foto të viktimës Elmira me mesazhin “Mëshirë për shpirtin tënd të bukur”.