Pushtimi rus i Ukrainës është dënuar gjerësisht në shumë pjesë të botës, por një rrjet grupesh në Facebook, i drejtuar nga njerëz me motive të paqarta, do të donte të ndryshonte perceptimet për presidentin rus.

Miliona njerëz kanë parë postime të përkushtuara për të portretizuar presidentin Vladimir Putin si të qeshur, dashamirës dhe paqedashës.

Këta janë superfansat e Putinit, por nga vijnë dhe kush janë ata?

Shifra të mëdha
BBC ka hetuar këto grupe të mëdha pro-Putin me ndihmën e studiuesve nga Instituti për Dialog Strategjik (ISD), transmeton Klankosova.tv.

Ekspertët e ISD identifikuan 10 grupe publike pro Putinit, me emra të tillë si Vladimir Putin – Udhëheqësi i Botës së Lirë. Grupet kanë më shumë se 650,000 anëtarë mes tyre. Përmbajtja përfshin fotografi dhe mesazhe që lavdërojnë liderin rus, të shkruara në një sërë gjuhësh, duke përfshirë anglishten, rusishten, arabisht,etj.

Jo vetëm që janë të njohura, por edhe shumë aktive. Gjatë muajit të kaluar, studiuesit numëruan 16,500 postime, duke pranuar më shumë se 3.6 milionë ndërveprime.

Qëllimi i përgjithshëm i grupeve duket të jetë promovimi i Putinit si një hero që i qëndron përballë Perëndimit, me mbështetje dërrmuese ndërkombëtare.

Imazhet shpesh tregojnë liderin rus “duke ecur me vetëbesim, duke mbajtur këlyshë, duke i ngulur sytë me mall në kamerë, duke përshëndetur trupat dhe duke hipur në një sërë kafshësh të egra, duke përfshirë arinjtë dhe luanët”.

Këto grupe kanë fituar më shumë se 100,000 anëtarë të rinj që nga fillimi i pushtimit më 24 shkurt.

Përdorues aktivë

Një ekzaminim më i afërt i disa prej administratorëve të grupit tregon një aktivitet të pazakontë. Njëra, e quajtur Marine, e cila thotë se vendndodhja e saj është Siria, përdor tri llogari të veçanta për të gjeneruar mbështetje për presidentin rus. Tre llogaritë e saj, në arabisht, postojnë në të njëjtën kohë çdo ditë.

Një tjetër moderatore, Victoria, nga Kamboxhia, ka nxitur përmbajtjen në një grup në gjuhën Kmere. Që nga 4 shkurti, postimet e saj kanë gjeneruar më shumë se 34,000 reagime dhe janë shpërndarë më shumë se 4,000 herë.

Dhe Marine dhe Victoria drejtojnë së bashku një faqe në Facebook në gjuhën Kmere, pjesë e një modeli më të gjerë të koordinimit midis disa prej llogarive, transmeton Klankosova.tv.

Postimet shpërndahen gjerësisht në grupe të ndryshme. Për shembull, një llogari tjetër e listuar si e vendosur në Bullgari postoi të njëjtin imazh të Putinit 12 herë në hapësirën e disa minutave.

BBC raporton më tej se ka provuar të kontaktojë me njerëzit që qëndrojnë prapa të gjitha këtyre llogarive për koment, por nuk patëm shumë fat.

“Por një burrë në Kenia, i quajtur Raj, i cili është në disa nga këto grupe dhe përfshin “Putin” në fund të emrit të tij në Facebook, u përgjigj në telefon. Në një bisedë të shkurtër, ai e quajti presidentin një “lider të madh”, por tha se nuk dëshironte të diskutonte për luftën. Ne i dërguam me email pyetje të mëtejshme në lidhje me interesin e tij për Rusinë, por ai nuk u përgjigj”.

Hasmik, nga Armenia, thotë se është gazetare dhe tani ndihmon në drejtimin e gjashtë grupeve pro-Putin. E pyetur se kush e ftoi të bëntë këto grupe, ajo tha se ishin njerëzit që tashmë drejtonin grupet dhe tha se ajo nuk ishte paguar për përpjekjet e saj.

Lidhjer ruse?

Është e vështirë të kuptohen motivet e njerëzve pas llogarive. Nuk ka asnjë lidhje të dukshme me qeverinë ruse dhe ndryshe nga fushatat e tjera të njohura dezinformuese ruse, rrjeti nuk është delikat; as personat e përfshirë nuk i fshehin qëllimet e tyre.

Por nuk përjashtohet mundësia që rrjeti të ketë disa lidhje me autoritetet ruse ose me elementë pro-Putin brenda Rusisë.

Shumë njerëz në mbarë botën tërhiqen nga Putin dhe këndvështrimi i tij antiperëndimor për botën.

Facebook i kontaktuar nga BBC i cili thotë se ka politika kundër llogarive të rreme dhe ka pezulluar një numër llogarish bazuar në informacionet nga raporti dhe hetimet e tyre.

“Ne po vazhdojmë të ndërmarrim veprime të forta për të parandaluar përhapjen e dezinformatave në lidhje me krizën në Ukrainë”, thotë një zëdhënës i kompanisë amë  Meta.

Putin të rrejshëm

Gjatë hulumtimit, gjiganti medial britanik BBC thotë se hasi në një fenomen tjetër interesant – rrëfimet e imitimit të Vladimir Putin.

Putin është një nga liderët e paktë botërorë që nuk përdor mediat sociale dhe nuk ka asnjë llogari zyrtare në Facebook në emrin e tij. Ai thuhet se nuk ka as edhe një smartphone.

Sipas zëdhënësit të tij, Putin thjesht “nuk ka nevojë” për mediat sociale pasi ato “nuk i japin atij asgjë që ai nuk e ka tashmë”.

Por disa e kanë mbushur boshllëkun e lënë nga mungesa e tij në internet. Faqja në Facebook e shfaqur më lart kishte më shumë se tre milionë ndjekës derisa u largua shkaku i imitimit menjëherë pas pushtimit në fund të shkurtit.

Një numër i konsiderueshëm i abonentëve të saj – më shumë se 700,000 – u bashkuan gjatë pandemisë, kur faqja fliste për vaksinat ndaj COVID-19 të prodhuara nga Rusia.

Kohët e fundit, faqja po postonte mesazhe që përforconin pikëpamjen e Kremlinit për luftën dhe shumë komentues mbi të dukej se besonin se përmbante fjalët e vërteta të presidentit rus.

Menjëherë pas pushtimit, një postim në faqe deklaronte se qëllimi i “operacionit” ishte “paqeruajtja… që synonte vetëm çmilitarizimin e një vendi fqinj”. Ky mesazh është shpërndarë dhe pëlqyer më shumë se 200,000 herë.

Dhe faqja gjithashtu kishte zakon të etiketonte njerëzit në mesazhet e saj për zotin Putin, duke përfshirë përdoruesit e identifikuar nga studiuesit se kishin llogari të kopjuara. Me fjalë të tjera, ishte duke ndërvepruar me superfansat e Putinit.

Nuk e dimë kush qëndron pas kësaj llogarie. Njerëzit që e menaxhojnë atë janë të vendosur në Rusi dhe Letoni, sipas seksionit të transparencës së faqes.

Faqet e fansave janë terren pjellor për të grumbulluar mbështetje për Kremlinin ndërkombëtarisht, thotë Nika Aleksejeva, një studiuese në Laboratorin e Kërkimeve Ligjore Digjitale (DFRLab), pjesë e institutit të mendimit të Këshillit Atlantik.

“Ato mund të ndihmojnë në ndërtimin e mbështetjes publike në vendet e huaja për të ashtuquajturin ‘operacion ushtarak në Ukrainë’ të Rusisë, përveç nëse hiqen nga platformat kryesore të mediave sociale”, thotë ajo, transmeton Klankosova.tv.

DFRLab dokumentoi se si një llogari e imituesit të Putinit, e postuar në arabisht, kishte paguar për reklama që synonin përdoruesit në disa vende, duke përfshirë Algjerinë, Libinë, Egjiptin, Jemenin, Marokun, Libanin dhe Tunizinë. Faqja kishte më shumë se një milion ndjekës, por që atëherë është fshirë.

Një faqe tjetër e shquar e Putinit, e postuar në arabisht, dikur drejtohej nga një njeri që është gjithashtu një fans i madh i liderit sirian Bashar al-Assad. Tërhoqi pothuajse një milion ndjekës përpara se të zhdukej së fundmi./Klankosova.tv/.