Aktivisti i njohur Adriatik Lapaj ishte i ftuar në një emision humori, ku tregoi nëse është mbështetës i Sali Berishës.
“Ne jemi të fjalës, nëse janë të Foltores të fjalës, jemi dhe të Foltores”, tha Lapaj.
Ndër të tjera, Lapaj dha një mesazh të qartë duke thënë se Shqipëria bëhet më e mirë duke e vrarë shprehjen që vendi ynë nuk bëhet me shqiptarë.
“Shqipëria bëhet duke sanksionuar dhe garantuar që çdo i ri të nisë jetën duke garuar në çdo fushë të jetës. Në momentin që më të mirët të udhëheqin në fushat e tyre përkatëse, Shqipëria bëhet më e mirë. Shqipëria bëhet duke e vrarë përfundimisht shprehjen ‘Shqipëria nuk bëhet me shqiptarë’. Shqiptarët kudo që shkojnë shkëlqejnë”, tha Lapaj.
