Akuzohet se qëlloi me armë në drejtim pronarit të shkollës në Tiranë, vendoset në pranga i riu.
Ngjarja ndodhi në 18 janar të këtij viti pranë Liqenit të Thatë.
Skerdi Tasi akuzohet se qëlloi ndaj 63-vjeçarit Lulëzim Masha i cili po lëvizte me automjetin e tij tip “Mercedez Benz ML”.
I riu qëlloi disa herë me pistoletë ndaj tij.
Në dëshminë e dhënë në Polici, Masha tha se nuk e kishte parë autorin, duke hedhur dhe tezën se në zonë kishte pasur përplasje dhe se aksidentalisht plumbat kishin kapur dhe mjetin e tij. Por, në dëshminë para grupit hetimor tha se kishte arriur të shihte se personi që e qëlloi ishte rreth moshës 25 vjeç, ezmer e me mjekër. 31-vjeçari është arrestuar për vrasje me paramendim të mbetur në tentativë.
