Kryeministri i Kosovës, Albin Kurti, po qëndron në Greqi për të marrë pjesë në Forumin Ekonomik Delphi, ndërsa është takuar me anëtarin e Presidencës së Bosnjë e Hercegovinës, Sefik Dzaferovic, duke thënë se ndajnë të njëjtën dhimbje nga e kaluara, por Kurti nuk e ka bërë publike qëndrimin e Dzaferovic, i cili ka ripërsëritur se nuk ka pajtueshmëri për njohje të pavarësisë së Kosovës, shkruana Gazeta Metro.
Kurti i cili pas vetes ka edhe ministren e Jashtme, Donka Gërvalla, është takuar me Dzaferovic në Delphi të Greqisë, mirëpo në postimin e tij që tregon për takimin me anëtarin e Presidencës së Bosnjë e Hercegovinës nuk e ka bërë të ditur edhe qëndrimin që ky anëtar ia ka ritheksuar Kurtit që “në Bosnje e Hercegovinë nuk ekziston pajtueshmëri e të gjithë akterëve politik për pranimin e pavarësisë së Kosovës.
Kurti në postimin e tij ka thotë se ka biseduar me Dzaferovic dhe se ndajnë një të kaluar të dhimbshme të shkaktuar nga i njëjti aktor që anon me Kremlinin dhe kërcënon të ardhmen tonë.
“Ndajmë një të kaluar të dhimbshme të shkaktuar nga i njëjti aktor që anon me Kremlinin dhe kërcënon të ardhmen tonë. Populli ynë dëshiron paqe, prosperitet, liri të lëvizjes dhe aftësi për të studiuar dhe punuar së bashku. Unë fola me Sefik Dzaferovic, anëtar i Kryesisë për rritjen e bashkëpunimit tonë”, ka shkruar Kurti.
Në anën tjetër, Dzaferovic pas takimit me Kurtin ka thënë për media se në Bosnje e Hercegovinë nuk a pajtim për ta njohur shtetin e Kosovës.
“Në Bosnje e Hercegovinë nuk ekziston pajtueshmëri e të gjithë akterëve politik për pranimin e pavarësisë së Kosovës”, ka thënë Dzaferovic para mediave.
Dzaferovic megjithatë është i mendimit se kjo nuk do të duhej që të ishte pengesë në zhvillimin e mëtejmë të bashkëpunimin të qytetarëve të Kosovës dhe Bosnje e Hercegovinës, si dhe një nivel më të lartë të komunikimit mes zyrtarëve që tashmë një kohë të gjatë janë bashkërisht pjesëmarrës në platforma rajonale multilaterale
Por që Kurti nuk e ka ngritur çështjen e mosnjohjes nga ky shtet. Duke mos e permendur fare as në postimin e tij.
????&???? share a painful past inflicted by the same actor who sides w/ Kremlin & threatens our future. Our people want peace, prosperity, freedom of movement & the ability to study & work together. I spoke w/ Šefik Džaferovic, Member of Presidency about increasing our cooperation. pic.twitter.com/7EOAfihWts
— Albin Kurti (@albinkurti) April 7, 2022
