Administrata e Guvernatorit Gavin Newsom ka propozuar që të dyfishojë përkohësisht rimbursimet tipike të nikelit në Kaliforni, për shishet dhe kanaçet në mënyrë që të nxitet riciklimi.
Vlera e kanaçeve dhe shisheve që mblidhen në Kaliforni ka prekur shumën prej 600 milionë dollarësh në kanaçe e shishe të pakërkuara, të cilat tani dëshiron që t’ua kthejë një pjesë të tyre konsumatorëve.
Ky veprim do ta bënte Kaliforninë ndër programet më të paguara të riciklimit në vend.
Rachel Machi Wagoner, drejtoreshë e Departamentit të Riciklimit dhe Rimëkëmbjes së Burimeve në Kaliforni, tha se kjo do ta ndihmonte Kaliforninë që të bëhej sërish “lideri i riciklimit që ishte 35 vjet më parë kur filloi programin e saj të rimbursimit të parave”, transmeton Klankosova.tv.
Kur dikush në Kaliforni blen një sodë me madhësi normale, aplikohet një tarifë prej 5 centësh që mund të rimbursohet nëse kontejneri kthehet për riciklim.
Sipas planit të Newsom, tarifa e depozitës do të mbetet e njëjtë, por shuma e kthimit do të dyfishohet. Qëllimi është të rritet norma e riciklimit për kontejnerët e pijeve nga 70% në të paktën 80%.
Presidenti i grupit advokues Consumer Watchdog, Jamie Court, një kritik i shpeshtë i programit të riciklimit, e quajti planin “një hap shumë pozitiv” dhe “një propozim të guximshëm për t’u kthyer njerëzve paratë e tyre”.
“Këto para nuk është mirë të qëndrojë në bankë,” tha Court. “Ne kemi nevojë për një rregullim të plotë strukturor, por ky hap i përkohshëm është i mirë”, tha ai.
